No marco do programa "Sumando Juntos", impulsado por Elanco, o Grupo Entrepinares doou 1.600 racións de queixo que serán entregadas a familias en situación de vulnerabilidade, a través de Cruz Vermella e Cáritas da provincia de Lugo.
Trátase da segunda achega, dun total de tres doazóns, por parte da compañía Entrepinares no marco deste programa de Elanco. Os obxectivos do devandito programa son difundir os beneficios do consumo de proteína natural como son os produtos lácteos, facilitar a quen máis o necesitan o acceso a proteínas de alto valor biolóxico e pór en valor o traballo de gandeiros, produtores e veterinarios que traballan día a día en compañías como Grupo Entrepinares, para que alimentos da mellor calidade, como é o caso do queixo, cheguen aos fogares nas mellores condicións posibles.
Ademais, os empregados de Elanco España realizaron de maneira conxunta coa compañía, unha doazón de 1.100 racións queixo da marca Entrepinares que será distribuída entre familias con carencias nutricionais a través do Banco Solidario de Ribera (Madrid), pertencente á Fundación Mensaxeiros da Paz fundada polo Padre Ángel.
