Contribuír á mellora e ao impulso do sector é o obxectivo fundamental da Granxa Experimental de Leite do Campus Terra, que desenvolverá accións científicas e formativas a cargo de investigadores, docentes e estudantes sempre en directa colaboración cos gandeiros e as súas problemáticas.
Impulsada e promovida pola Deputación de Lugo e a Universidade de Santiago de Compostela, a Granxa Experimental de Leite do Campus Terra foi construída pola empresa Copcisa e contou con 2 millóns de euros de investimento, dos que o organismo provincial achegou 1,3 millóns e a Universidade, 750.000 euros.
Falamos co xefe de obra, Francisco Fernández; Co presidente da Deputación de Lugo, José Tomé, e coa vicerreitora do Campus Terra de Lugo, Montserrat Valcárcel.
