Feiraco, unha das marcas de Cooperativas Lácteas Unidas (Clun), amplía a súa gama de produtos co lanzamento de iogures no mercado galego. A firma pon á venda este produto en tres sabores: natural, vainilla e amorodo.
Os novos iogures, que se poderán atopar en tendas e supermercados, comercialízanse en packs de dúas unidades de 125 g. O envase promove a reciclaxe ao permitir separar facilmente a capa final de plástico do reforzo de cartón.
No interior de cada vasetiño o consumidor pode ver a imaxe e a historia dos gandeiros e gandeiras responsables de conseguir cada día o leite de calidade de Feiraco. Precisamente, eles son os protagonistas do spot encargado de presentar este novo produto.
Os iogures preséntanse baixo o selo “produto de cooperativa Clun” e o de “100 % orixe galega”. Para Juan Gallástegui, director xeral de Clun, “escoller un produto de cooperativa é beneficiar directamente o campo galego". un produto de cooperativa é un produto sen intermediarios”.
“Un produto de cooperativa é un produto sen intermediarios, onde o modelo cooperativo está presente desde o campo, no coidado das vacas, na obtención do leite e mesmo na súa transformación e comercialización", conclúe.
