Desde este luns, Federico Fitch forma parte do equipo directivo Farming Agrícola, en concreto asumiu a dirección xeral da firma. Fitch é enxeñeiro industrial e de sistema e conta cun MBA do Instituto Tecnolóxico e de Estudos Superiores de Monterrey (ITESM) de México. Pola súa banda, Juan Carlos Delgado seguirá á fronte da compañía, no seu posto de presidente.
O novo director xeral conta cunha dilatada traxectoria profesional, avalada por máis de 25 anos de experiencia nacional e internacional no sector agrícola. Así mesmo, xa exerceu como director xeneral e rexional en empresas do sector financeiro dedicadas ao apoio da agricultura. Fitch asegura que asume esta nova etapa "con ilusión, esperando contribuír cos meus coñecementos e experiencia a que Farming Agrícola continúe sendo un referente nos mercados de España e Portugal, ademais de alcanzar a mediano prazo un crecemento constante e rendible para o accionista".
Desde a compañía afirman que este cambio, xunto coas novas instalacións que inauguraron hai un ano, "achegará á empresa un gran impulso para seguir afrontando os retos que esixen a agricultura e a gandaría actual".
