Este xoves, terceiro webinario da serie “Rumiando los jueves” de MSD Animal Health

O terceiro webinario da serie “Rumiando los jueves” de MSD Animal Health, titulado "Instalacións e saúde no manexo da recría ", terá lugar este xoves 19 de novembro ás 17:30 horas.

Laura Elvira, directora técnica da Unidade de Ruminantes de MSD Animal Health, dará a benvida a esta sesión online que constará de dous relatorios a cargo de dous expertos en recría. Primeiro, Ryan Leiterman, director dos Servizos Técnicos de Crystal Creek® mostrará algúns puntos básicos no deseño da ventilación nas casetas das xatas e contaranos como a psicoloxía humana influíu no xeito de levar a cabo estes proxectos. Despois, Carlos Carbonell, técnico veterinario de vacún reprodutor de MSD Animal Health, explicará paso a paso os puntos clave a ter en conta no deseño e manexo das instalacións nos primeiros meses de vida das xatas.

Os interesados en ver, en directo ou en diferido, este ou outros capítulos da serie, poden rexistrarse facendo clic nesta ligazón.