A cooperativa de segundo grao Delagro S. Coop. celebrou onte a décimo sexta edición da súa Asemblea Xeral nas Pontes (A Coruña) e, nos datos expostos, reflíctese que a cooperativa cumpriu cos principais parámetros económicos previstos, obtendo un beneficio superior ao obxectivo fixado e logrando un retorno a socios de 1.657.440 euros.
As vendas totais da compañía alcanzaron os 165,3 millóns de euros, o que implica un crecemento no seu volume de comercialización de 11,18 millóns de euros, un 7,25%. Así mesmo, Delagro creceu en vendas a terceiros.
A Asemblea aprobou por unanimidade todos os puntos da orde do día, incluídos os orzamentos xerais para 2018. Deste xeito, a cifra de negocio increméntase en máis de 25 millóns de euros, debido ao optimismo reinante entre os socios, especialmente coa implicación de Clun e Aira na actividade cooperativizada de Delagro.
