Vetoquinol celebrará o vindeiro xoves, 15 de maio, no marco do Congreso Europeo de Buiatría, a conferencia online “Mastatest, desafiando o tratamento da mastite?”, na que os expertos en medicina bovina, Paolo Moroni e Francisco Malcata, compartirán estratexias probadas no eido da mastite e innovacións científicas para xestionar mellor esta patoloxía, respondendo ás preguntas dos asistentes á conferencia.
A mastite é considerada a enfermidade máis común e custosa da industria láctea e é que a mastite non só reduce a produción na industria leiteira, senón que acurta a vida produtiva dos animais afectados, ademais do custo que supón para os produtores de leite.
O webinario retransmitirase ás 13:00 horas e para poder visualizalo en liña é imprescindible rexistrarse nesta ligazón.
