Ucoga organizou por terceira vez o seu Torneo Solidario Pádel, que xuntou en Santiago de Compostela a catorce compañías aseguradoras. A través dos participantes e dos asistentes ao evento, conseguiron reunir preto de 4.000 kg de alimentos. Ademais, Ucoga sumou unha aportación adicional en litros de leite para acadar un donativo total de 8.000 kg que será entregado ao Banco de Alimentos Rías Altas.
Na competición, a compañía Axa conseguiu o título de campións do grupo Ouro, mentres que o equipo de Reale levou o trofeo no grupo Prata e Caser impúxose no Bronce. O conxunto organizador de Ucoga finalizou no quinto posto.
A empresa de corretaxe de seguros especialista no sector agroalimentario e de transportes desenvolve desde 2022 esta iniciativa co obxectivo de demostrar o compromiso solidario do sector empresarial. Anuncian que xa preparan a cuarta edición para continuar coa súa promoción do deporte, o traballo en equipo, a solidariedade e a responsabilidade social.
