O martes 15 de novembro termina o prazo para que aqueles produtores de cultivos herbáceos que contrataron o módulo 1 ou 2 en secaño na última colleita, e agora volven facelo para a de 2023, obteñan un 5 % de bonificación no contrato. Cabe destacar que, unha vez superada esa data, o seguro manterá o seu período de subscrición aberto ata o 20 de decembro, aínda que sen dita bonificación.
Na pasada campaña, esta mellora beneficiou ao 67 % dos agricultores que subscribiron os módulos no outono para producións de trigo, cebada, avena, centeo, xirasol ou leguminosas, entre outras. O período de subscrición é de grande importancia para os produtores de cultivos herbáceos, xa que os módulos de outono ofrecen cobertura fronte á seca, principal risco sufrido este ano.
De cara á campaña 2023, o seguro de cultivos herbáceos presenta unha revisión dos prezos máximos de aseguramento, aprobada por ENESA, que crecen un 23 % de media, alcanzando o 50 % no trigo duro ou o 52 % na colza. O resto de producións que tamén experimentan incrementos son o trigo brando, a cebada, a avena, o centeo, o triticale, o xirasol, o millo, o sorgo e o arroz.
