Desde fai máis dunha década Delagro, unha das cooperativas máis importantes do sector agroalimentario, mantén unha relación con Jungheinrich como provedor de solucións para a súa intraloxística.
Delagro é unha cooperativa de segundo grao integrada por máis de 23 entidades, algunhas delas de segundo grao de Asturias, Cantabria e Galicia que, xuntas, achegan 37 cooperativas representadas, con máis de 26.000 familias asociadas, das que 17.000 son socios con actividade agraria. Un grupo que aposta pola innovación, a expansión e que ofrece solucións personalizadas.
A actual relación de Jungheinrich e Delagro comezou no ano 2008. “A relación con Delagro foi excelente desde entón ata agora”, comenta Pablo Diéguez, técnico comercial en Jungheinrich. Delagro foi o cliente que realizou o primeiro pedido do Sistema de Xestión de Almacéns de Jungheinrich (WMS). Pola súa banda, Pablo García, director de operacións de Delagro, valora de forma moi positiva a alianza: “Gañamos en eficiencia e eficacia grazas a Jungheinrich”.
Despois apareceron outros proxectos que incluían desde carretillas elevadoras retráctiles a transpaletas e sistemas de andeis para o almacén. Incluso outras empresas dentro das 46 cooperativas representadas por Delagro mostraron interese polas solucións de Jungheinrich con pedidos de equipos de manutención, o que pon de manifesto o seu liderado dentro do sector.
Últimas innovacións dentro da colaboración
Crear valor de forma sustentable é un dos obxectivos de Jungheinrich. Delagro comparte esta filosofía apostando pola innovación. Desta maneira, a cooperativa agraria decidiu cambiar as súas carretillas térmicas por carretillas elevadoras eléctricas de Jungheinrich, asumindo un aforro en combustible.
A pesar do maior consumo de enerxía durante a produción, as carretillas eléctricas con batería de chumbo acedo causan un 42 % menos de CO2 que as carretillas de combustión diésel cunha capacidade de carga equivalente.
