No marco da Asemblea celebrada o pasado 30 de abril en Vilalba (Lugo), Delagro levou a cabo a renovación do seu Consello Reitor. Estes cambios responden ao mandato estatutario que establece un período de catro anos para a designación dos seus órganos de goberno.
Con data de 19/05/2025 constituíuse o novo Consello Reitor, no que Jesús López Díaz, director xeral de Campoastur, asume a presidencia, tras ser exercida durante os últimos 16 anos por Aira.
"Con ganas de afrontar os novos retos que se lle presentan ao grupo Delagro. Estamos nun momento de transformación para o sector que suporá un punto de inflexión, e é necesario estar preparados", afirmou Jesús López.
José Guardado, de Xallas, é o novo vicepresidente, e Juan Ramón Gallástegui, de Clun, ocupa a secretaría. Pola súa banda, as vogalías quedan a cargo de Cándido Cancelo, de Aira; José Ángel Pereda, de Agrocantabria; David Maceiras, de Cusoviame; e Marisol Codina, de Valcor.
Desde Delagro trasladan o seu agradecemento a Daniel Ferreiro, M.ª Cruz Fernández e Roberto Roca, presidente, vicepresidenta e vogal saíntes, polo seu "compromiso e dedicación durante todos estes anos".
