De Heus fortalece o seu equipo de ruminantes. A chegada de Guadalupe Franco, responsable do Servizo de Comercialización e Certificación de Vacún Pascar®, vén agora acompañada coa incorporación de Gustavo González, responsable do Servizo Técnico de Pequenos Ruminantes.
Guadalupe Franco é enxeñeira agrónoma pola Universidade de Valladolid e desenvolveu toda a súa traxectoria profesional no sector do vacún de carne. Durante seis anos participou en diversos proxectos de comercialización cárnica e, posteriormente, especializouse en nutrición animal como técnica comercial.
"Coa miña incorporación ao programa, apoiarei a superar a reestruturación do sector que estamos a vivir, con todas as súas limitacións e oportunidades. Será un reto para min poder xestionar e coordinar o programa Pascar da maneira máis eficiente e vantaxosa para os nosos gandeiros", afirma Guadalupe.
Pola súa banda, Gustavo González é licenciado en Veterinaria pola Universidade de León e conta con máis de dúas décadas de experiencia no sector da nutrición animal. Durante once anos, desenvolveu a súa labor como técnico especializado en cunicultura, vacún de leite e carne. Dende 2013, centrou a súa carreira no ámbito dos ruminantes de leite.
"Os pequenos ruminantes representan un sector con grandes desafíos, pero tamén con enormes oportunidades se se traballa con proximidade, coñecemento e solucións adaptadas. Precisamente, o meu obxectivo vai ser achegar valor aos gandeiros a través dunha atención técnica de calidade que contribúa ao crecemento sostible das súas explotacións".
