Vetia Animal Health, filial do grupo Zendal, organizou un ciclo de xornadas técnicas sobre manexo reprodutivo en gando leiteiro do 4 ao 7 de marzo. Expertos como Santiago Pérez Wallace, de Syntex, abordaron nas súas intervencións as estratexias de sincronización e o uso de dispositivos intravaxinais con proxesterona para mellorar a reprodución en vacas leiteiras. Do mesmo xeito, Sergio Rodríguez Pedrouzo, do servizo técnico de rumiantes de Vetia, presentou durante as sesións a gama de produtos de manexo reprodutivo en bovino da compañía.
Cada xornada concluíu cun debate entre os profesionais asistentes, que valoraron positivamente estas charlas celebradas en Hoznayo, Villagallegos, Soto do Barco, Lugo e Santiago de Compostela.
