O queixo azul ecolóxico Campobio, da cooperativa asturiana Campoastur, foi recoñecido como o mellor queixo azul de España no 15.º Campionato dos Mellores Queixos de España - GourmetQuesos 2025, celebrado dentro do Salón Gourmets, en Madrid.
O queixo azul Campobio é froito da colaboración coa Queixería La Peral, en Illas. Este produto elabórase con leite cru ecolóxico e a súa maduración mínima de dous meses dá como resultado un queixo estable, intenso e cunha personalidade moi marcada.
O director xeral da cooperativa, Jesús López, afirmou que "este premio anímanos a seguir apostando pola calidade e por un modelo cooperativo que non só xera valor, senón que fixa poboación, impulsa emprego e fortalece o tecido do medio rural asturiano".
Pola súa parte, Carlos García, presidente de Campoastur, comentou que "este galardón é un recoñecemento ao traballo das nosas socias e socios, que son parte esencial do proxecto. Pero tamén é unha homenaxe ao potencial do mundo rural asturiano. Campobio demostra que dende os nosos pobos se pode competir ao máis alto nivel, con orgullo e con raíces".
