O pasado martes 23 de outubro Caixa Rural Galega inaugurou unha nova oficina na cidade de Pontevedra situada no corazón da cidade, na Praza de España e con acceso desde a avenida Santa María. Trátase dunha oficina que persegue ofrecer unha atención personalizada como é o habitual na Entidade e pretende enfocar a súa actividade tanto ao colectivo de particulares e profesionais, como PEMES e empresas, tanto do sector primario como industrial.
O presidente de Caixa Rural Galega, Manuel Varela, destacou o carácter cooperativo, o apego á terra e a xestión prudente, entre outros valores, que caracterizan á Entidade. Entre un bo número de convidados, destacou a presenza do vicepresidente da la Xunta de Galicia, Alfonso Rueda, e o alcalde de Pontevedra, Miguel Anxo Fernández Lores. Ambos interviñeron para destacar a traxectoria da Entidade que conseguiu superar a crise sen acudir a axudas públicas.
