BouMatic, a robotización que se adapta a calquera gandaría

A filosofía de muxido de BouMatic céntrase en que este debe ser rápido, suave e completo. Con esta premisa, desde a firma instalaron diferentes robots Gemini, tanto a versión simple como a dobre, en tres explotacións de Portugal: Campos da Borgonha, Encanto do Neiva e Quinta Vale de Bassar.

Nesta reportaxe, publicada en Vaca Pinta 33, ademais de coñecer aos propietarios das tres explotacións, falamos con Javier Liste, delegado de BouMatic en España e Portugal; José Vila-Chã, responsable técnico e comercial de Agros Comercial, e Antonio Macedo, comercial de Agros Comercial, que nos detallan as características destas máquinas e como foi o cambio nas tres gandarías.