Boehringer Ingelheim Animal Health España reuniu os días 3 e 4 de xuño a unha trintena de representantes da distribución veterinaria nun encontro que puxo enriba da mesa os principais desafíos do sector, así como as estratexias conxuntas para afrontalos. A cita, de carácter anual, consolídase coma un espazo clave de diálogo e colaboración entre a compañía e os seus socios estratéxicos.
A xornada foi inaugurada por Elena Gratacós, directora xeral de Boehringer Ingelheim Animal Health España, que compartiu a visión da compañía sobre os retos e oportunidades do sector e o papel esencial da distribución para trasladar o valor ao colectivo veterinario. "Este encontro é unha oportunidade non só para compartir resultados, senón para construír xuntos novas formas de xerar impacto", destacou.
Durante o evento abordáronse os principais avances e prioridades de negocio nos segmentos de Animais de Produción e de Compañía da man dos seus responsables, Luis Santos e Maite Bastero, así coma os resultados positivos do primeiro trimestre.
Tamén se deron a coñecer as novas ferramentas dixitais orientadas a mellorar a eficiencia operativa da canle de distribución e facilitar o traballo diario dos equipos comerciais. A xornada incluíu unha sesión formativa sobre comunicación non verbal aplicada ao entorno comercial, impartida por Juan Manuel García, especialista en ciencias do comportamento.
