Boehringer Ingelheim non faltou á cita co Congreso Mundial de Buiatría. Deste xeito, nunha edición na que se alcanzaron cifras históricas, a multinacional organizou o simposio "The magic of science" durante a xornada do 5 de setembro. O evento foi o marco elixido para a presentación internacional da súa nova vacúa Fencovis® indicada para a prevención da diarrea neonatal a través da transferencia da inmunidade da vaca ao xato mediante o calostro.
No simposio, a doutora Carme Collado foi a encargada de repasar similitudes, diferenzas e aprendizaxes da especie humana na natureza e inxestión do calostro nun relatorio titulado "A maxia do calostro". Posteriormente, unha segunda conferencia a cargo da veterinaria Fladkjær Nielsen revisou as pautas para asegurar que os xatos consomen o calostro que necesitan. Finalmente, Matt Yarnal, técnico internacional de Boehringer Ingelheim, abordou "A maxia de Fencovis", exposición na que presentou a vacina e os seus resultados.
FONDO CONMEMORATIVO GUSTAV ROSENBERGER E PREMIO AO LOGRO DO BENESTAR DE RUMIANTES
Así mesmo, Boehringer Ingelheim patrocinou esta edición do Fondo Conmemorativo Gustav Rosenberger, que outorgou unha bolsa anual de 10.000 euros a un mozo e prometedor veterinario, o canadense-nepalí Susan Pyakurel.
Ademais, durante o congreso fíxose entrega do Premio ao Logro do Benestar de Rumiantes, tamén promovido por Boehringer en colaboración coa Asociación Mundial de Buiatría. Nesta ocasión, outorgáronse dous recoñecementos: o Ruminant Well-Being Achievement Award foi para o investigador español Antoni Dalmau, mentres que a francesa Louise Adeline Marie Kremer se fixo co Ruminant Well-Being Research Award.
