A sede de Central Leche Asturiana acolleu, a principios de marzo, a Xornada de Calidade de Leite CLAS. O evento, que contou coa participación de 80 veterinarios do sector do vacún de leite, estivo apoiado polo patrocinio de Boehringer Ingelheim Animal Health España, no marco do compromiso da compañía coa formación dos profesionais.
A sesión contou cun total de tres relatorios ao redor da calidade do leite. En primeiro lugar, Luís Miguel Jiménez, de Servet Talavera, enumerou as medidas de manexo que se deben ter en conta para abordar o secado selectivo das vacas de leite ante o novo marco normativo de uso responsable de antibióticos. Despois, tomou a palabra Patricia de Celis, veterinaria clínica de Gescal Veterinarios, cunha charla na que contou a súa experiencia na implementación do secado selectivo nas ganderías de vacún de leite que xestiona o seu grupo. O último relatorio, a cargo do Laboratorio Interprofesional Leiteiro e Agroalimentario de Asturias, presentou o proxecto de diferenciación de células somáticas no que están a traballar no centro.
Como peche da xornada, tivo lugar un debate no que os socios de CLAS puideron expoñer as dúbidas xurdidas ante o novo marco lexislativo e obter respostas por parte dos representantes da consellería da dirección Xeral de Desenvolvemento Rural e Agroalimentación, así como do resto de relatores.
