Galical, cales e dolomías agrícolas, presenta en vídeo a aplicación sobre o terreo dos seus produtos para favorecer a redución da acidez dos solos e o aumento da produtividade das colleitas.
As súas emendas calizas son transportadas en camións a calquera punto de España e Portugal e o seu estendido regulado por GPS permite o aforro dos produtos así como a optimización dos custos. Con esta nova maneira de traballar calculan de forma precisa a cantidade que aplican nas fincas e aseguran que botan exactamente o produto desexado.
