A Agrupación Española de Entidades Aseguradoras dos Seguros Agrarios Combinados, S.A. celebra hoxe o seu 40º aniversario. Desde o 17 de abril de 1980, Agroseguro xestiona o pool de coaseguro que opera en España para facilitar aos produtores a protección do seguro agropecuario. Por aquelas datas, máis concretamente o 30 de maio de 1980, o Consello de Ministros aprobou o primeiro Plan de Seguros Agrarios Combinados, que ofrecía coberturas contra os riscos de pedrisco e incendio, fundamentalmente, e para un número limitado de producións: cereais de inverno en secaño, uva de vinificación, mazá, tabaco e cítricos.
Desde entón, o seguro agrario non deixou de evolucionar en España para adaptarse ás demandas dos produtores, así como ás cambiantes circunstancias socioeconómicas que o país foi experimentando. Progresivamente, o sistema ampliouse a novas producións vexetais e animais e introduciu de forma gradual novos riscos e coberturas, o que levou a que en 2010 o sistema contase con máis de 140 liñas de seguros.
Máis información na nota de prensa
