O director de Acodea, Manuel Nogales, e o presidente de CLUN, José Ángel Blanco, visitaron as instalacións da cooperativa galega, en Pontemaceira. Durante o acto asinaron un Memorándum de Cooperación que regula a participación de directivos, técnicos e gandeiros de CLUN como agripoolers, para asesorar, proporcionar servizos de captación e executar estudos de viabilidade para mellorar a posición das organizacións de produtores, cooperativas e gandeiros nos mercados emerxentes.
O acordo con CLUN tamén contempla o desenvolvemento de proxectos de cooperación conxuntos en función da coincidencia das estratexias e obxectivos de ambas as organizacións. Un proxecto de pasantías para a formación presencial de gandeiros de América Latina no ámbito de CLUN e outras cooperativas; a participación mutua en eventos propios e de terceiros para o fomento do cooperativismo, formación empresarial, despoboamento rural e outros. A difusión das actividades de ambas as organizacións nos medios de comunicación e redes propias, así como calquera outra proposta que no tempo de vixencia deste Memorándum concite o interese e responda as estratexias e obxectivos de ambas as entidades.
