Laboratorios Syva abriu a convocatoria da 29ª edición do Premio Syva Internacional á Mellor Tese Doutoral en Sanidade Animal, que permanecerá activa do 15 de decembro de 2025 ao 22 de febreiro de 2026. O galardón, que conta co respaldo académico e científico da Universidade de León e ascende a 25.00 euros en total (18.000 € para o premio principal e 3.500 € para os dous accésits), recoñece cada ano a mellor tese doutoral no ámbito da sanidade animal, con especial atención a traballos relacionados con microbioloxía, inmunoloxía e enfermidades infecciosas ou parasitarias dos animais.
Tras case tres décadas de traxectoria, o premio consolidouse como un referente para mozos investigadores e para as institucións académicas que impulsan a súa formación. Desde a organización destacan que presentarse supón unha oportunidade para dar visibilidade ao traballo doutoral e reforzar a carreira científica nunha etapa clave: obter o primeiro premio ou un dos accésits non só avala a calidade da investigación, senón que pode facilitar novas colaboracións e proxección internacional.
Syva anima tamén a directores de tese e institucións a difundir a convocatoria, subliñando que o recoñecemento pon en valor o traballo dos grupos de investigación e a excelencia dos programas de doutoramento. As bases, o formulario e os materiais de difusión están dispoñibles na web oficial do premio.
