Durán resume a súa participación en Demoagro nun vídeo

Do 21 ao 23 de maio, Durán Maquinaria Agrícola estivo presente na cuarta edición de Demoagro, que este ano se celebrou na Finca Castillo de Orus, en Huesca.

Unha das novidades das que o público puido gozar na parcela de demostracións da empresa lucense foi a rotoempacadora-encintadora combinada Pöttinger IMPRESS 125 FC PRO. Demoagro foi o escenario da presentación oficial no mercado español do último gran desenvolvemento da marca austriaca.

Os asistentes tamén viron traballar por primeira vez en España a segadora NOVACAT A10 CROS FLOW nomeada Máquina do Ano 2019 en SIMA. A principal novidade desta máquina é o sinfín de transporte transversal CROS FLOW, unha revolucionaria tecnoloxía de Pöttinger que permite xuntar a forraxe inmediatamente despois de cortar, sen necesidade de utilizar acondicionador.

A elas sumouse unha extensa selección de equipos altamente tecnolóxicos das marcas que Durán Maquinaria importa en exclusiva para todo o territorio nacional.