#YOSOYCAMPO

Catro décadas vendo o avance do sector en primeira liña

Juan Manuel García Castro empezou a súa carreira sendo “don Manuel”, un veterinario que facía ruta polas parroquias da zona de Silleda nos anos oitenta. Os 14 anos en Feiraco convertérono en “Manolo de Feiraco”, alcume que mantén hoxe en día malia levar dúas décadas como integrante do equipo de Albeita-Neria. En Vaca Pinta 28 elixímolo a el, cronista dos grandes avances do sector das últimas décadas, como o primeiro protagonista dos testemuñais de #YoSoyCampo de Virbac.