Galicia sufriu este mes de agosto a peor onda de incendios desde que hai rexistros. Máis aló das hectáreas queimadas, o lume volveu poñer en evidencia o abandono rural e a falta de xestión territorial como causas estruturais, e deixou patente, por se aínda quedasen dúbidas, que o futuro do medio rural dependerá de reconectar sociedade e territorio, integrando prevención, xestión e compromiso social.
