A Subdirección Xeral de Producións Gandeiras e Cinexéticas, dependente da Dirección Xeral de Producións e Mercados Agrarios do Ministerio de Agricultura, Pesca e Alimentación, acaba de publicar o primeiro Informe de Declaracións de Entregas de Leite Cru aos Primeiros Compradores do ano 2024, relativo ao mes de xaneiro, no que se rexistra un prezo medio similar ao de decembro: 0,517 €/litro.
Con respecto ao volume de produción mensual, a cifra de leite cru producido no país incrementou no mes de decembro de 608.307 toneladas a 629.248 toneladas.
As comunidades autónomas que alcanzaron o prezo máis alto en xaneiro foron Canarias (0,633 €/litro), Comunidade Valenciana (0,565 ?€/litro), Asturias (0,542 €/litro) e Andalucía (0,540 €/litro), mentres que Baleares (0,483 €/litro), Galicia (0,495 €/litro), Murcia (0,524 €/litro) e A Rioxa (0,521 €/litro) rexistraron as medias máis baixas.
