23-04-2024
Nas seguintes páxinas de Vaca Pinta 44, Alfonso Carballal Samalea, Consuelo González García, Mario Menéndez Miranda, Isabel Piñeiro Sierra, María Elena Corral Corrales e Adela Martínez Fernández, do Programa de Investigación en Pastos e Forraxes do Servizo Rexional de Investigación e Desenvolvemento Agroalimentario de Asturias (Serida), amosan a análise levada a cabo en 2023 de 18 variedades enviadas polas casas de sementes (incluíndo testemuñas), das cales 9 o foron por primeira vez. Como resultado destes ensaios, e tras 28 anos de investigación ininterrompida, avaliáronse, en colaboración coas empresas de sementes, un total de 348 variedades nas diferentes zonas edafoclimáticas de Asturias.
