DeLaval, recoñecida pola súa innovación en solucións para ganderías leiteiras, aliouse estratexicamente con SERAP, líder en tanques de refrixeración. A partir do cuarto trimestre de 2024, SERAP dirixirá o desenvolvemento, fabricación e garantía de calidade dos tanques de leite DeLaval a nivel global.
A multinacional sueca cualificou a SERAP, con fábricas en Francia, India, Brasil e México, como "o socio ideal, que permitirá axilizar a produción e distribución". Os tanques DeLaval, manufacturados por SERAP, manterán altos estándares de calidade, marca e especificacións técnicas.
Paul Löfgren, CEO de DeLaval, destacou a importancia de satisfacer a crecente demanda do sector gandeiro e a sostenibilidade. Por sua vez, Eric Boittin, CEO de SERAP, expresou o compromiso da empresa coa continuidade e a excelencia do produto.
Os distribuidores de DeLaval recibirán apoio continuo en vendas, instalación e mantemento, cunha transición fluída cara á nova gama de produtos. Os pedidos actuais continuarán segundo o previsto baixo a loxística de DeLaval.